a looch

Eva Lugbauer

a looch


wasd, wos oag is? 
do khenntad a luggal en dia sei.
oda a rizzn, a schboet, sogoa a looch.
und du khenntasd eine foen.

wasd, wos nu eaga is? 
do khenntad a fuzal en dia sei.
a flankal, a knobf, sogoa a zwugg.
khenntat se braad mochn.

wasd, wos aum eaxdn is? 
do khenntadn fingal en dia woggsn.
und zechal. und aung. a gaunza kobf.
a gaunza keapa. a gaunze söö.
khenntad de druggn.

dädse einisdn. und iagandwaun oohaun. 
khenntad a luggal lossn. oda a rizzn,
an schboet, sogoa a looch.
khenntasd eine foen.

Erschienen in: e a d n . Literaturedition NÖ, 2026, 96 Seiten, Euro 24,-